شعرین…
کانسئر اولوب
اؤلوم گؤزونده بَره‌لندن سونرا
هئچ‌نه آرتیق آدامی قورتارا بیلمیر.
دوکتور یاردیمچی‌سی قیزلار اوغلانلار قیزدیرمانی یوخلاماقدان بئله دیکسینیرلر.
آزجیق یاش آلان‌دا هر شئیین رنگی دییشیر
یئر یاتاق اورا بورانی دیدیب تؤکور
آرتیق راحات ائتدییین شئی‌لر ال‌چاتماز آرزو اولور.
تؤکه‌نیب بیتمه‌میز دوشوندویوموزدن چوخ تئز اولاجاق؛
نه وار بیر آز اویناییب ایلنمه‌میزه باخساق.
نه‌ییمیز چالینار آزجیق چالیب اوخویوب سئوینسک.
نه ایتیره‌جه‌ییک سئویب سئویلسک.
سئویشیب سئوینیب یاشانتیمیزی برک-برک چکیب قوجاغیمیزا اورکدن سولو بیر دوداق آلساق.
نه اولار کونسئرته گئتسک
دورو بیر سسی قافامیزا چکیب کئفلنسک.
آلیش-وئریش ائتسک بول پوللا کالیته‌لی اورونلری.
استادیوملاردا اؤله‌سی‌یه باغیرساق توتدوغوموز ییغمامیزی.
اودوشونا جوشساق.
‘گوووول’ دئییب گؤزوموزو یوموب بؤیروموزده‌کینی چکسک قوجوموزا آرخایین.
آتیلیب دوشسک قایغی‌سیز قایغی‌سیز؛
پاریلداساق آلتینلاری.
نه‌ییمیزی آلارلار گول آلیب ایسته‌دیکلریمیزه آپارماغا آلیشساق.
گؤی اولوب یئشرسک
بیر کره ده گؤوده‌میزه باخساق!
ایسینیب اوشویوب اوشه‌نیب دوُیولاریمیزلا دولانساق!
اَللـه‌نسک خوشلاناجاقلی‌لاریمیزی
اَللـه‌سک آلیناجاقلی‌لاری آلینمادان
گول داشیماقدان دئییل اؤلدورجو آلت داشیماقدان چکینسک؛
سؤیمک‌دن ساقینساق.
شعرین یاشایامادیقلاریمیزی یازساق؛
یازیقلیغیمیز قدر قولایی‌نی.
یاشاییشا ساپساق سونرا
نییه‌لری دوشونمه‌سک بیر تور.
‘داها بیر’ بیری‌نه دؤنوشسک
اونا بونا دئییل
گئچینه‌جه‌ییمیزه باخساق.
آخساق چای کیمی اؤنوموزده‌کی هر نه‌یی سورونسک.
دادساق خولو بوداغی توزو قومو تورپاغی،
یاشایا یاشایا بیتسک هئچ اولماسا.
شَفَقین آخشام آلینا بورونوب لاله‌نین یاخیلساق دوداغینا،
اؤرپه‌نیب ایتَکله‌نک هر اوْن+آیلی گولومسر چلیکی گؤز+ال توتان+آغینا.
ایکی آی+آغیمیزی بیر توللانقاجا سیغدیریب
باشاردیقجا یوخ+آری توللاناق؛
بیر آیاغیمیز یئرده اوبیری هاوادا اولسا.
باشیمیز گؤیه ائرسه
هر دوشنده توم هیزی‌یلا گئری تپسه بیر داها،
تک تکرلی چارخ گیبی.
آرادا روسجا سؤزجوک‌لر ائشیتسک
انگلیس‌جه فرانسیزجا فین‌جه عرب‌جه
(کیمسه کیمسه‌یه دئییب-دانیشاندا دویموش اولاق اؤرنه‌یین اوچاق‌دا، مئترودا، کافه‌ده، باردا، بیرادا، چای‌دا، چیمرلیک‌ده، گونش‌ده، کؤلگه‌لیک‌ده، سئوگی تک‌لیک‌لرینده)
یوخو گیبی
اوخ گیبی تاخیلساق یای گؤی‌دلن‌لرینده.
اوداقلانساق یاپیش یاپیش ساریلمالارا سیجاق
ال‌لریمیز آدام گؤره
آداملاریمیز ال گؤره
اوسانمیش جانیمیز دا گون.
سونرا نه اولورسا اولسون!
کیمین اوموروندا…
