بیر داها داشیناجاق شه‌هر
سربست گولوش‌لرین ماویلییینه
بول بول سلام،
قوجاق قوجاق ایستی‌لیک،
امک دولو سوفرا
فتح ائده‌جک وطنی.
سن سیله‌جکسن جام‌لارا داغیلان گئجه‌نی
الینده قلم
قوش‌لارین دیلینده یازاجاقسان
همیشه زندان یازیلان حیاتی،
یاللی گئده‌جک آزادلیق
زندان قاپیسیندا.
کاسادلاشاراق زیبیل قابی‌نین
یالنیزلیغین بازاری
طیاره‌لر گؤی اوزونده
توپ توفنگه معروض قالمایاجاق.
بزه‌دیکجه دیوارلاری
سئوینجین اوریجینال واریانتی،
رسام‌لارین فیرچاسی
گونشی سرگیله‌ییب
اوز اوزه دوراجاق
قیسا بویلو حاکیم‌لرله.
شعریم گره‌ک تئز تئز یادیما سالسین
اوره‌ییمین جاوان خاطره‌لرین
قوشولا بیلمه‌سم ده خیاوان معجزه‌سینه
اونلاری باشا دوشمه‌لی‌یم یقین
آخی بعضی قیامت‌لر
یالنیز دلی دویغولاردان آسیلی‌دیر.
۱۰/۱۸
