بیز او شیپورو چالمالیییق
اسرافیل چالمیرسا، چالماسین.
آغاجلار دا، چای‌لار دا بیزیمله برابر
قیام ائتمه‌لی
کوکره‌ییب سئل اولمالی.
حرامی‌لرین بئینینده
دارا چکیلیر آزادلیق
قادین قادین
یارپاق یارپاق.
بیز ال اوزادبب
الیندن توتمالیییق
بیزه سس وئره‌ن یئنی متافورلارین،
اؤپوشلو خاطره‌لرین.
صاباحیمیز کیشنر آت‌لارین دؤشونده
شیلتاق آرزولارین پنجره‌سینده
بسته‌لنمه‌لی‌دیر.
بیز کئچیرتمه‌لیییک بو فیلی
ایینه باجاسیندان
شیطان یوخوسوندان.
بیز عزراییل اولوب جالانمالیییق
کیمسه‌سیزلییین توفنگینده داشییان
خلیفه‌نین نفسینه.
یولداش اول دان یئرینه
قارتال یوواسینا
حیات پایینا.
بو تورپاق
چوخدان بری
یاغیش اوزو گؤرمه‌ییب.
۱۴۰۱/۰۹/۱۸
