مفتون امینی
چئویرن: علی صمدی
ترجمه: علی صمدی
علی صمدی
00:00
00:00

(۱): گؤرن سنین الین….

سویوق بیر قیش گونو یادیمدا قالیر
او عطیرلی اوتاق، او خلوت اوتاق.
آستاجا ایچری گیریب اوتوردون،
باشیمی قالدیریب اوزونه باخجاق-
ارییب یوخ اولان بیر کوپوک اولدون.

اوندا من اوتاندیم سن ده اوتاندین
سولدو اوزونده‌کی گولوش چیچه‌یی.
من دئمک ایستردیم…..
اما نه ایسه
بوغدو اوره‌ییمده او ایسته‌مه‌یی.

الینی سیخاندا قیزاریب دئدین:
الیم ایستی دئییل بئله دوشونمه،
بلکه سن سویوقسان…دئدین و گئتدین
من سه مات قالمیشدیم یئریمده ائله.

سن گئتدین گونلریم اوتوشدو سنسیز،
اؤزومده آلیشدیم، اؤزومده یاندیم.
ایندی سویوق دئییل اوره‌ییم منیم،
ایندی بو یارالی، بو اودلو عشقین-
او بوش شبهه‌لردن زهله‌سی گئدیر،
آی مندن آرالی
آی مندن اوزاق
گؤرن سنین الین یئنه ایستی‌دیر؟

(۲): ایکی جئیران

گئنیش بیر چؤل، چیچه‌یی بول، سویو بول،
بیز او چؤلده اوتلایاردیق یان- یانا.
گؤزوموزده پارلاییردی محبت،
جیرانلاردیق دال چئورمیش جهانا.

گونئییمیز آینا اوزلو بیر دنیز،
قوزئییمیز یاشیل دونلو بیر مئشه؛
یان- یؤره‌ده بیر قارالتی گؤرنده
بیر- بیرمیزه سیغیناردیق همیشه.

گونلر اؤتدو، بیر گون قوزئی طرفدن
یوز غضبلی کیشی تؤکولدو اورا.
بیر مدت چالیشیب چاپاندان سورا
بیر دیوار چکدیلر او شن دیارا.

ایندی اورتالیقدا بیر چای کوکره‌ییر
او اویاندا قالیب من سه بو یاندا.
ائه… اونون قوخسو دا منه چاتماییر
کولک شیغایاندا یئل اوخویاندا.

نه واخت قورویاجاق بو آرالیق چای…
بئله‌جه حسرت‌دیر کؤنلومه سیرداش.
بو یاندا لاله‌یه قونموش بیر شئهم
او یاندا لاله‌یه داغ اولایدیم …کاش.

مفتون امینی
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

اوستاد «مفتون امینی»‌نین ایکی شعری‌نین ترجومه‌سی

علی صمدی
www.ishiq.net

آذربایجان ادبیات و اینجه‌صنعت سایتی

اوستاد «مفتون امینی»‌نین ایکی شعری‌نین ترجومه‌سی

علی صمدی
www.ishiq.net

آذربایجان ادبیات و اینجه‌صنعت سایتی

اوستاد «مفتون امینی»‌نین ایکی شعری‌نین ترجومه‌سی

علی صمدی
www.ishiq.net

آذربایجان ادبیات و اینجه‌صنعت سایتی