بو قاپان دوز ایشله‌میر، چکیلن چکی یالان،
نه گؤردوک عؤمور بویو یالانمیش پکی یالان.
بیر تیکه چؤره‌ک اولدو دوماندا ایتدی دوزلوک
گول آچدی اؤنوموزده واریدی نه کی یالان.
بوتون یئر یالان‌لاری ایتیردی کسرینی
چاخناییب باشیمیزدان یاغدی گؤیده‌کی یالان.
قالمادی آلچی، تووخان سؤزونده زمانه‌نین
فیریلداق اولدو بؤکو، دانیشدی جیکی یالان.
یالان وار داماریندا بیر چیرتما دوغرولوق وار
گل ایندی یالان‌لارین تملی، کؤکو یالان!
سخاوت عزتی (عندلیب)
چئویرن: سخاوت عزتی (عندلیب)
ترجمه: سخاوت عزتی (عندلیب)
سسلندیرن: سخاوت عزتی (عندلیب)
- شعر
- اوخوماق زامانی: < 1 دقیقه
- https://ishiq.net/?p=31339
چاپ
