گون‌لر آشدی، هفته بیچدی وعده‌لر،
فصل اؤتوشدو، آی دولاندی گلمهدین.
اوچ یوز آلتمیش گز گونشین باشینا،
یئر فیرلاندی، گؤی دولاندی گلمهدین.
حسرتینی ایتیره‌جک یوللارا،
ووصال گولو بیتیره‌جک یوللارا،
سنی منه گتیره‌جک یوللارا،
باخیشلاریم هئی دولاندی گلمهدین.
انتظارین دؤزومومو توکتدی،
آغریلاری، آجیلاری یئکتدی،
خایالیمدا فیرتانالار کؤک آتدی،
گؤزلریمده چای دولاندی گلمهدین.
هاردا قالدین سؤیله‌سنه قاداسی،
واریم- یوخوم گؤزلرینین فداسی،
سنسیز قالان من یازیغین صداسی،
داوول گزدی، نئی دولاندی گلمهدین.
سن چیچک‌لی گوللو یازسان بیلیرم،
سن گؤردویوم هامان قیزسان بیلیرم،
ایندی گؤرسن تانیمازسان بیلیرم،
گونوم سنسیز وای دولاندی گلمهدین.
