هاچان کی تاریخ اوخویورسان
بیر ایشه یارامادیغیم
یادینا دوشور.
اسکی‌لشمیشم
سؤزوم یورور سنی
یئنی بویالار،
سنی سئودییین کیمی سئون‌لر گره‌یین‌دیر.
هاردا بیر چیچک گولور
یادداشیمین لاپ عزیز یئرینده
گؤزلرین منیمله شیرین سؤزلر پایلاشیر
دوغما – دوغما،
وورغولایاراق سلامین دلی‌لییین.
یاریمچیق استکانی
هره‌میز بیر جور گؤروروک
قالیب کی گؤز
هانسی یاندان باخا
یوخسا نه من استکانام
نه سن حقیقت وورغونو.
۱۴۰۱ – فروردین آیی
