ساچیما دون دوشدو…
چئویرن: میانالی علیرضا
ترجمه: میانالی علیرضا
میانالی علیرضا
00:00
00:00

عؤمور کاروانی‌نین بیر منزلینده
بیر گون ساچلاریما بیرجه دن دوشدو.
او هاچان دوشدوسه بیلمه‌دیم، آنجاق
اونو من گؤرمه‌میش آنام گؤرموشدو.

ایندی او گونلردن نه قده‌ر اؤتوب،
نه قده‌ر یاخشی- پیس آرخادا قالیب.
عؤموردن قوپان او فصیل‌لر، ایل‌لر
هره‌سی باشقا بیر خاطیره اولوب.

بودور آغاریبدی بوتون ساچلاریم،
آنام نه یاخشی کی، هئچ گؤرمه‌میشدی.
ساچیم تک آغاریب بوغوم- ساققالیم،
او یازیق بیر دنی درد ائیله‌میشدی.

هانی ایتیردیییم او عزیز گونلر؟
ایندی بیردن اؤلسم آغلایانیم یوخ!
توتاق هئچ اؤلمه‌سم، یارالی قالسام
بوردا بیر یارا دا باغلایانیم یوخ!

زامان اؤز ایشینده، گردیشینده‌دی،
اونون نه وئجینه اؤلن، قالان کیم.
بو اسکی دونیادی، وردیشینده‌دی،
اونا نه حاکیم کیم، محکوم اولان کیم.

بیر گون بو دنیادان کؤچه‌سی اولسام
بو جیزما- قارالار یقین قالاجاق.
من دئین اولماسا من یاشایاندا
مطلق مندن سونرا چوخ شئی اولاجاق.

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
باشقا اثرلری

ساچیما دون دوشدو…

میانالی علیرضا
www.ishiq.net

آذربایجان ادبیات و اینجه‌صنعت سایتی

ساچیما دون دوشدو…

میانالی علیرضا
www.ishiq.net

آذربایجان ادبیات و اینجه‌صنعت سایتی