اؤزومه قارشی
چئویرن: مسعود اسلامی
ترجمه: مسعود اسلامی
مسعود اسلامی
00:00
00:00

اؤزومه قارشی
گیزلی بیر زیندانیدیم
کوردره یولون کور کؤهولو،
آدسیز آمانسیز ماغارا
یول یولاغی گؤرونمز بوربوجاغی
داغ آلتی ایرینله‌میش، قارا یارا
دئشیلیرسه اوچاجاق باشیمی گؤی اوزون!
داش داشی داشیریر اورانی دمیر
و دری تپیلیر سامانی سامانچی‌لار
سوموک‌لر سومسونمه ده دزگاهلار
داش دمیر، سانجی چکیر اؤلوم
شیریم شهره صحیفه‌لر اپریییب
تؤکولور تاریخی اوردان
قان قازیلمیش قارا قایا،
گونشسیز جین دره‌سی
زامانسیز یوخودور، داش دمیر یاتاغی
سیزیلتی‌لار، عقربه‌‌لر پیچیلتیسی
ماهنی‌لارا قوجا بایقوش
اوچمادان بانلاییر
گئجه‌لر یایلیم سسی
گوندوزلر قان تپه‌سی
گؤردویون دئییل دئدیییم او دونیا،
تانری آدرئسیندن سیلینمیش زامان بوجاغی‌‌‌دیر
ایچیمی تؤکولور قورخو قارانلیق …
قورد‌لاری یابانجی سورسوموک تانیش
بوغولور دامجی دامجی دنیز، اویانیش…

ایندیسه تازا تاپیلمیش کؤهنه بیر مزارلیغام
ایتگین‌لر یاتاغی، شهوت دوراغی
سوموک‌لر آختاریلیر
جوجوق جوجوق باش چاناغی
ایکی یوز اون بئشدن اوزانیر
یئددی یوز اللی‌‌نی ال‌لر، و هله‌ هله، هله‌نی،
داشسیزلیقدا، باشسیز مزارلیق
زار زار زارلیق
توف کانادا بیریتیش بیلیم اوجاغی
توف توف تو تو توف
حادیثه دئییل جنایت دوراغی،
تانری یاراسی‌دیر شئیطان یوواسی،‌‌
بیریتیش کلمبیا شهوت ائوی
اورادان تپیلدی عیسانی قورخو آغاجی
یئتیشمه‌دن سولاندی جوجوق‌لار
آغیز آغیز کئشیک‌لر کاتولیک
گؤرونجه اوزاندی اورالارا
آچ،
آچ تانری تپیلسین شهوت لیدئری
جسدلر تانریسی پئغمبر
نه نه‌سینی سورون، د‌ده‌سین!
اوچوشون دئمه‌دن قوش‌لارا سپیلمیش‌داغ‌لاری
درینله‌دی سوموک‌لر ایلیم ایلیم ایتدی
گلین،
گلین یئرآلتی قازین قازمالایین
جنایت مئتالی تاپدیرین منی
صلیبی چکین کیلیسا‌نی
دین دین
دیکلمه‌نی،
داغیدین
مه‌نی!

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
باشقا اثرلری

اؤزومه قارشی

مسعود اسلامی
www.ishiq.net

آذربایجان ادبیات و اینجه‌صنعت سایتی

اؤزومه قارشی

مسعود اسلامی
www.ishiq.net

آذربایجان ادبیات و اینجه‌صنعت سایتی