گؤزلریمین انتحاریندا بوغولسا گؤزلرین
پار- پار پاریلدادارسا سرگی‌لری سؤزجوک‌لر
و فیکریمین دونه‌نینده دونگه‌لنسه ملک‌لر …
تانری شعیر یازارگؤیلردن قووولموش حوری‌لری
قاپی‌ قاباقلاریندا چیلیم چیلپاق دایانمیش …
شاعرلرانتحاریندان قاچا بیلمز چیلغین حیس‌لر روحو
سن ده یانارسان من ده گوللنینجه گول‌لرین
سینه‌سینده ابراهیم
ایندی سن شوشه گئیینمیش بیرآغاج …
شکیلینی چکرسه آرخ‌لاردان آخان سو آدام‌لار
بیری اؤلرسه بیری ده اؤلر …
یئنه ده ایتیرر تاپیلمیش‌لاری
راضیلاشا بیلمز حس‌لر اویناشماسی
و سمند آتین یانچاغیندا ساغالمایان قامچی یئری
یورولمادان یئری …
چورویورگوزگولر مایدان‌ آت‌لار یئریشینده …
بورا چؤل باییر دئییل …
بیر داها حس‌لرین آلووونو
بوشالدا بیلمزسن آینالارین هوروشونه
اورالار اویون‌لارین اویناق یئری
داشیردا بیلیرسه اورا بورانی،
سوچلارین سوچلولارین
دایانمادان یئری