قیزیلی گونشدن، گوموشو قاردان
دولتلی بو داغ‌لار، غنی بو داغ‌لار.
دونیانی گؤرمه‌یه گؤزو یوخ کیمی
چکیب اوزه‌رینه چنی بو داغ‌لار.
گل قویما باشینی کدر دیزینه
دؤن باخ بو داغلارین گؤی بنیزینه
شیرین داستانلارین ایتمیش ایزینه
قوی چکیبب آپارسین سنی بو داغ‌لار.
اولدوزدان بوینونا چیلچیراق سالیب
قارانلیق کونلومه مین شاواق سالیب
خیال کروانی‌دیر اوتوراق سالیب
توتوبدور شیمالی، جنوبو داغ‌لار.
دورماق ایسته‌مه‌ین یول عاشیغیندان
چیخارام یوللارین دولاشیغیندان
آلچاق دره‌لرین بولاشیغیندان
اؤزونه سسله‌ییر منی بو داغ‌لار.
