چئویرن: ایشیق
ترجمه: ایشیق
ایشیق
00:00
00:00


سالخیم سؤیود
ناظم حکمت- چئویرن: حسن ایلدیریم

 آخیردی سو

 گؤستریب آیناسیندا سؤیود آغاجلارینی

 سالخیم سؤیود یویوردو سودا ساچلارینی!

 یانان یالین قیلینج‌لاری چارپاراق سؤیودلره

 چاپیردی قیزیل آتلی‌لار گونشین باتدیغی ییره!

 بیردن

 بیر قوش کیمی

 وورولموش کیمی

                   قانادیندان،

 یارالی بیر آنلی یووارلاندی آتـیندان!

 باغیرمادی،

 گئدن‌لری گئری چاغیرمادی

 باخدی یالنـیز دولو گؤزلرله

 اوزاقلاشان آتلی‌لارین پاریلدایان نال‌لارینا!

 آه نه یازیق

 نه یازیق کی او

 دؤردنالا گئدن آتلارین کؤپوکلو بوینونا بیر داها یاتمایاجاق!

 آغ اوردولارین آردینجا قیلینج اویناتمایاجاق!

 نال سس‌لری سؤنور پرده – پرده

 آتلی‌لار ایتیر گونشین باتدیغی یئرده،

 آتلی‌لار، آتلی‌لار، قیزیل آتلی‌لار!

 آتلاری روزگار قاناتلی لار

 آتلاری روزگار قانات…

 آتلاری روزگار.

 آتلاری

 آت…

 روزگار قاناتلی آتلی‌لار کیمی کئچدی حیات!

 کسیلدی آخار سویون سسی.

 کؤلگه‌لر کؤلگه‌لندی

                      رنگلر سیلیندی.

 قارا اؤرتولر ائندی

                   ماوی گؤزلرینه

 ساردی سالخیم سؤیودلر

                 ساری ساچلاری‌نین اوزه‌رینه!

 آغلاما سالخیم سؤیود

                   آغلاما !

  الی قوینوندا دایانیب

 قارا سویون آیناسینا باخا – باخا

 آغلاما،

 آغلاما!

چاپ

یک پاسخ

  1. بو چئویرمه دئییل، عربجه یه کوچورمه سونرا آزربایجان تورکجه سینه اویغونلاشدیرمادیر.چئویری ده الفبا و دیل دئییشیلیر.

دیدگاهتان را بنویسید

نشانی ایمیل شما منتشر نخواهد شد.

سالخیم سؤیود/ ناظم حکمت- چئویرن:حسن ایلدیریم

ایشیق
www.ishiq.net

آذربایجان ادبیات و اینجه‌صنعت سایتی

سالخیم سؤیود/ ناظم حکمت- چئویرن:حسن ایلدیریم

ایشیق
www.ishiq.net

آذربایجان ادبیات و اینجه‌صنعت سایتی

سالخیم سؤیود/ ناظم حکمت- چئویرن:حسن ایلدیریم

ایشیق
www.ishiq.net

آذربایجان ادبیات و اینجه‌صنعت سایتی