اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: مسعود اسلامی
ترجمه: مسعود اسلامی
مسعود اسلامی
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

بیر دئمه‌دن …
مسعود اسلامی

بیر دئمه‌دن بیرینجی باشلاندی ال‌لی
کند-شهر گولوشور ارکک دیشی …
دام- دووار آرخایین، چؤل باییر سئوینجک
هئچ نه‌دن خبرسیز ‌ال‌لی‌سیز…
ال‌لرین یومور آچینجا
گولوشور قیزیل گوموش …
یاتمادان گونشی ایزله‌ییر دیقه‌لری
طبیعت تاب- تازا، قوشلار اؤتوشور
آغ- قارا دئییل، رنگ به رنگ گول‌لر
قیش دئمه‌دن فصیل‌لر قیزینیر اووجوندا
ال‌لی‌دن خبرسیز، ایکینجی‌سیز…
هرنه گؤزلدیر بیرینجی‌
دیقه‌لر اؤلرمیش بیلمه‌دن
کند- شهر، باغ‌- باغچا، فصیل‌لر …
بیلمه‌دن اؤلرمیش دیقه‌لر
خبرسیز هر شئی گؤزل‌دیر گؤزگوده
گونش، آی، اولدوز، قیش، پاییز
سئویب سئومه‌دییینه دئییل گئجه گوندوز
آمانسیز ال‌لی‌لر بیر ال‌لی‌ده اوستونده
قاتیشار ال‌لی‌لر ایکینجی‌ ده اوستونده
چیق- چیق چیرپار چیقیلتی‌لار دایانمادان
فصیل‌لر اؤرتر ایستی سویوغو

ایکینجی ده سوووشار یئل کیمی
سوووشار یئر، گؤی
سوووشار انسان سئل کیمی
بیر ال‌لی ده اوستونده سؤکر
بئل میکانیک‌لار فورماسینی
سؤکر سئوگی سئوینجی بیرینجی‌سیز
یئنی فورم‌لار فورمالاشار کولتور ائولری
گؤیرر انسان‌لار پارک‌لاردا…

آیاقسیز دئییل ‌ال‌لی بیر ال‌لی‌ده اوستونده
یوک‌له‌نر کامیون‌لار قارما- قاریشیق
یاز یایی سئور، کوز قیشی
شوخوم پرشیم اولار قادین کیشی
سؤکولر آدلارین چرچیوه‌سی
یازلانار یازلار، اوباشدان
ال‌سیزلیییم آیاقسیزلیغیما قاریشار
باشسیزلیغیمدان سور- سوموک تؤکولر
اینانج‌لارا سپیلمیش توخوم
دره قیراقلاریندا گؤیرر
شاه چوبان گولو
ایکینجی‌سیز ال‌لی‌سیز
بیر ال‌لی‌ده اوستونده …
یاغیب یاغمادیغینا دئییل
گؤیرر گؤزلریم گؤزلرینیزده
نه بیر شکیل قالار
نه‌ آدین دولو
توپراق.

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

مسعود اسلامی

مسعود اسلامی

باشقا اثرلری