چئویرن: ایشیق
ترجمه: ایشیق
ایشیق
00:00
00:00

ایکی شعر
حسن ایلدیریم

  1. سنینله …

سندن بوشالیب،
اؤزومه چؤکه- چؤکه؛
آزغینلاشیرام.
آغزیمدا پیرتلاشیر سؤزلر
گؤزلریمدن ایتیر بوی‌لار
بویالار.
بئینیمده دومانلاشیر
دویغولار
دویوم‌لار …
ایچیمی چولقاییر شورانلیق!

اؤزومدن بوشالیب،
سنه کؤچه- کؤچه-
دورولور دوشونجه‌لریم،
درینلشیر دویوم‌لاریم،
آیدینلاشیر باخیش‌لاریم-
جانیمدا
تومورجوقلانیر قان…
اوزومه گولومسه‌ییر
یازباشی چیرتلایان چیچک‌لر
سنینله دولا – دولا یازلاشیرام
دورولوب
گؤزللشیب
انسانلاشیرام!
 مهر ۱۳۹۰

۲. یئنه‌ده

گون گلر
کولک اسر
کؤلگه‌لر قارالار
نارین- نارین ارییر رنگ‌لر .
کاللاشار سؤزلر
اینجه‌لیب، اوزولر دیلک‌لر.
باش-باشا قالاریق
بیر سن
بیرده ایچینده حسرتی قوور ائده‌ن من.

گون گلر
کؤچوب گئده‌رم
سس‌سیزلیک، سنسیزلیک عالمینه
منسیز قالماغینا داریخما
آغ قارانلیغین دیبسیز بوشلوغوندا،
سنی آراییب، آختاریب
تاپاجاغام یئنی‌دن!

 آذر ۱۳۹۱

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایکی شعر / حسن ایلدیریم

ایشیق
www.ishiq.net

آذربایجان ادبیات و اینجه‌صنعت سایتی

ایکی شعر / حسن ایلدیریم

ایشیق
www.ishiq.net

آذربایجان ادبیات و اینجه‌صنعت سایتی

ایکی شعر / حسن ایلدیریم

ایشیق
www.ishiq.net

آذربایجان ادبیات و اینجه‌صنعت سایتی