اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

داریخیرام
رقیه علیقلیان «لاله»

سنله گولر گوزلریم ده،
سندن اؤترو داریخیرام!
شیرینلشر سؤزلریم ده،
سندن اؤترو داریخیرام!

گون یئر ایله اؤپوشند،
داغ دؤشونه نور دوشنده،
حیات دونون دییشنده
سندن اؤترو داریخیرام!

گل کؤلگه‌نی سال باشیما،
آدینی یاز یادداشیما!
گؤر نه‌لر گلیب باشیما
سندن اؤترو داریخیرام!

گئتدیگین یوللار غوباردی،
کؤنلومو حسرت آپاردی،
اوره‌ییم قابارـ قاباردی،
سندن اؤترو داریخیرام!

آی‌لار گئشدی، ایل‌لر گئشدی،
چیمن سولدو، گول بوزوشدو،
ساچلاریما دن ده دوشدو،
سندن اؤترو داریخیرام!

یالواریرام دؤنه ـ دؤنه
بیر اینصافین گلسین منه!
من اومود باغلادیم سنه،
سندن اؤترو داریخیرام!

فلک باخیب گولدو منه،
حسرتلریم چاتدی مینه،
هانسی دیلده دئییم سنه
سندن اؤترو داریخیرام؟!
99.10.18

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *