گول آی قیز(قیزیما)
سحر خیاوی
گول، توپ کیمی قوی گؤی اوجالیقدان یئره اَنسین
گول، قوی دوداغیندان یئره اولدوز سپه‌لَنسین
گول، غملیدی اونسوزدا بو یئر،دردلی دیر آی قیز
گول، بلکه بو قبریستانا گوللر سره‌لَنسین
کال آرزولاریم اولدو آبورت نوطفه‌ده یاندی
گول، بلکه بو جانسیزجا فَریک‌لر فَره‌لَنسین
گول، آغ گونه چیخسین ائلیمیز آی-گونَش اوزلوم
گول، قاره کؤمورلر اوزو آرتیق قَره‌لنسین
گول،شور باخیشین قوی گؤزونه شور تیکان اولسون
گول، ایستمه‌ین گؤزلری نازلیم چئره‌لنسین
باخ آتدیغیمیز شارلاریمیز دای ماتا دوشمور
گول، بلکه بو یول آتدیغیمیزدا مَره‌لنسین
دئپرمدی قوپوب هر یئری ویران کؤنولومده
گول، بلکه هؤرولسون بو دووارلار هئره‌لنسین
چارخی فلکین، ایشله‌مه‌سه ایسته‌دیگین تک
گول، گور بولاغ آخسین، جانا گلسین پَره‌لَنسین
