ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

هاوا سویوقدورسا…
مسعود اسلامی

گونش باتی‌دان دوغورسا دا، دییشیلمز فیکیرینین رنگی!
نییه کی، تاپا‌ بیلمه‌میشدی آلبرکامو کئشیک‌لرین اصیل رنگینی!؟
گالیله کلیسانین دونیالیق دوشگونو!
چورودو قارانلیق باییردا ان اصیل سئوگی
و انسان اکدییینی بیچدی تیکانلی چؤل‌لرده
گؤی‌لر گؤیلویونو قورویورسا دا
کئشیک‌لر یئر اوزونون تانریسی
تانری انسان‌لاری قارقادی، انسان‌لار تانرینی
دیشاری قاپ قارانلیق، شوشه‌لر چیرکاب‌،
آددیم ‌آتاراق یخیلیر بیری بیرنین اوستونه، حیوان‌لار!؟
و سن ای آغیل‌لی انسان بالاسی!
ایستی سویوق اؤنونده چاتلاییر، پاتلاییر
رنگی دییشیر بوتون داش‌لارین
زامان ان قیسا حیسسه‌لردن اوزون‌لارا چاتینجا
هر شئی دییشیلیر یاشام ساحه‌سینده
هر یئره باخیرسان یئنی‌ گؤرونتولر یارانمیش،
یئنی ویروس‌لار!
گؤزل‌لیک‌لر گؤز اؤنونده
یئنی ماهنی‌لار ائشیدیلیر هرآن!
ان گؤزل گؤزلوک‌لر یئنی قولاقجیل‌‌لار
و یئنی بیر عاغیل…
گؤزل‌لیک‌لری قورویان رنگ به رنگ گئییم‌لر
دییشیلیر هر شئی فصیل‌لرکیمی
ایندی سن، باشینا بوز باغلاییب یاتینجا
هر شئی اؤز یئرینده، هئچ نه دییشیلمز ویروس‌لاردا!
کیمسه‌نین اؤلوب ایتمه‌سی آغ کاغاذ دئییل!
هله ده اؤز کئفینده‌دیر قلم!
یازدیقجا قارالیر کاغاذلار، کار قولاق‌لار کیمی
و سن، اؤز کئفینده، حیوان‌لار …
یای یاز گؤزل‌لیک‌لر فصیلی سؤزجوک‌لر دلی قانلی
جیبینیز اوینادیر سیزی
کارلارین ائشیدیب ائشیتمه‌دییی منیم بوینوما
کورلارین گؤرمه‌دییی کیمه باغلی‌دیر؟
کیمسه اؤز عملینین گیروووندادیر
من، قلمیمین
آنی‌لار قنیمت‌دی، ماشین‌لار قیمتلی،
وور چاتلاسیندی دونیا، سیز اؤز کئفینیزده …
اؤلولر قبیرلردن خوتلایارسا دانیشیب نه اولدوغونو دئیرلر البت
بیر گون ده بیر گوندور، قلم‌لر یازیر کاغاذلار کئفله‌نیر …
گؤی‌لر گؤیچولرین بایرامی
یئرلر، کور ملک‌لرین
مکانیک بئل‌لری چالیشیر گئجه گوندوز
شهرلر قیپ قیرمیزی قیزیل گول،
ال‌لریم کافور قوخویور
آیاق‌لاریم مزارلیق
هاوا سویوقدورسا گیرین دوه قولاغینا لوطفن

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *