چئویرن: ایشیق
ترجمه: ایشیق
ایشیق
00:00
00:00

آتا اوجاغی
عبدالله یالچین

بو حیطه، بو اویلاغا دیمه‌یین،
بوردا باجی، بوردا قارداش عطری وار!
بو تندیره، بو اوجاغا دیمه‌یین،
بوردا فطیر، بوردا لاواش عطری وار!
بوردا باجی، بوردا قارداش عطری وار!

گیزلنمیشم باخ او تینده، اوردا من،
هاردا اولسام روحوم بوردا، بوردا من،
اؤیرنمیشم بو اوجاغا، یوردا من،
اوشاقلیغین داوا- دالاش عطری وار!
بوردا باجی، بوردا قارداش عطری وار!

گاه ننه‌مین قارغیشی وار بو یئرده،
گاه سیغالی، ناخیشی وار بو یئرده،
آی‌دان دورو باخیشی وار بو یئرده،
گؤزلرینده کؤوره‌لن یاش عطری وار!
بوردا باجی، بوردا قارداش عطری وار!

آددیم- آددیم بو حیطده بوی آتدیق،
هر بیریمیز ییخیلدیقدا اوجالتدیق،
ائوجیک- ائوجیک بختیمیزی اویاتدیق
بوردا دویون، بوردا شاباش عطری وار!
بوردا باجی، بوردا قارداش عطری وار!

اوغلان نه‌دی یا قیز نه‌دی بیلمه‌دیک،
گلین نه‌دی، بالدیز نه‌دی بیلمه‌دیک،
صؤحبت نه‌دی یا سؤز نه‌دی بیلمه‌دیک،
بوردا سئوگی، بوردا یولداش عطری وار!
بوردا باجی، بوردا قارداش عطری وار!

پالچیغینی درده درمان دئیردیم،
تور- توزونو جیسمیمه جان دئیردیم،
بلکه بیر واخت چیچک اولوب گؤیردیم،
بوردا زحمت، بوردا تلاش عطری وار!
بوردا باجی، بوردا قارداش عطری وار!
خرداد ۱۳۹۸

چاپ

دیدگاهتان را بنویسید

نشانی ایمیل شما منتشر نخواهد شد.

آتا اوجاغی / عبدالله یالچین

ایشیق
www.ishiq.net

آذربایجان ادبیات و اینجه‌صنعت سایتی

آتا اوجاغی / عبدالله یالچین

ایشیق
www.ishiq.net

آذربایجان ادبیات و اینجه‌صنعت سایتی

آتا اوجاغی / عبدالله یالچین

ایشیق
www.ishiq.net

آذربایجان ادبیات و اینجه‌صنعت سایتی