بوگون سه شنبه 31 فروردین 1400 ساعات 01:36
ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری


کؤنول قوشوم
حسن ایلدیریم

گؤي اوزونده سئيره ک اولدوز، واخت گئجيشيب، قاش قاراليب

کؤنول قوشوم مزارلاين باش داشينا، قونوب قاليب

آغ بيرچکلي آنام کيمي ظولوم- ظولوم آغلار، او دا

آنام ،ساچين يولان کيمي، سينه سيني داغلار، او دا:

ياد گلدي باخدي گئتدي

خنجرين تاخدي گئتدي

اولدوزون گؤيدن آخدي

قلبيمي ياخدی گئتدی

داغ داليندا، گونش ياتجاق آل شفقين ياتاغيندا

سن ده ياتدين ايگيد بالام قان بزه‌کلي اوتاغيندا

قارا يئل‌لر پر پر ائتدي قيزيل گولو بوداغيندا

دومانلي داغيم آغلار

بولبول سوز باغيم آغلار

گؤزومده ياش قوروسا

سينمده داغيم آغلار

گؤزونو آچ، بالام منيم ،گؤزومده قان ياشيما باخ

آغزیم دادي سنله گئتدي، زهرلنميش آشيما باخ

درد اودوندا يانيراوره‌ک کول النميش باشيما باخ

اوزاقلار اولماز يوووق

تورپاغين اوزو سويوق

غميندن عزیز بالام

اوره‌یيم اويوق اويوق

گؤي اوزونده، قات قات بولوت، شر قاريشيب ،گون قاراليب

کؤنول قوشوم مين مزارين باش داشينا قونوب قاليب

2 پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *