اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.


«باجاباج» کندینه گئدرکن
مقصود تقی زاده هریس(نیسگیل)

کنده گیردیم، باشیم اوسته

غم قارتالی قاناد گردی.

عنوانلاری خبر آلدیم

کدر منه یول گؤستردی.

خاطیره لی کوچه لرده

قالانیب داشلار، کسک لر.

باخاندا اوچوق ائولره

گؤزه سوخولور دیرک لر.

یاشلار توزا قاریشیبدیر

غم بویاقلی یاناقلاردا

خاطیره لر قویلانیبدیر

دارماداغین اوتاقلاردا.

اوشاقلارین کیتابلاری

یئل اؤنونده واراقلانیر

حسرت لرین داراغییلا

خیال ساچیم داراقلانیر.

توزاناقلار آت چاپدیریر

غم دؤنگه لی کوچه لرده.

هر آددیمدا راست گلیرم

 نئچه حسرت، نئچه درده.

آرزیلارا دومان چؤکدو

دیلک لره دولو دوشدو.

حاییف، بو کنده نیسگیلین

یامان گونده یولو دوشدو…

«عزیزیم باجا باجا

نه گلدی باجاباجا؟

کندی گؤرنده اولدی

اوره یم باجا باجا…»

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *