آدسیز شعر…
حسن ایلدیریم

فاپینی آچار- آچماز
قورویوب قالدی یئرینده،
بیر اونا باخدی
بیرده اویانا
دیلی توتار توتماز سوروشدو:
– بو سنسن یوخسا …؟
– منم دئدی او، من.
– بس گؤزلرینه، اوزونه نه گلمیش
دوداقلارینا، گولوشونه نه اولموش؟
– سن، سن دئییلسن دئدی اونا
– من، من‌ایدیم، سن دئین من.
آمما
بیر یئرلردن کئچدیم کی،
گودوکچولر یولدو باخیشلاریمی
هورنلر قاپدی سسیمی
اولایانلار اوددو رنگیمی
چالاغانلار چالدی جانیمی
کیملییمی آلدیلار
منی، مندن بوشالتدیلار
قاپونا آتدیلار…
۱۳۸۷