آذرآیینین بئشینجی گونو، «اومید مدنیت سارایی»ندا دیلچیلیک اوزره متخصص دوکتور «فیروز رفاهینین اثرلرینه باخیش» عنوانلی تدبیر کئچیریلیب و اونون «اورونیمهای ایران؛ پژوهشی در نامهای پستی و بلندیهای ایران» کیتابی مذاکره اولوبدور. دوکتور «ائلدار محمدزاده صدیق»ین چالیشمالاریلا «امام خمینی کیتابخاناسی»، «دوکتور حسین محمدزاده صدیق ادبی انجومنی»، «قلم صدیق نشریاتی» و «نامه صدیق درگیسی» طرفیندن تشکیل ائدیلن بو تدبیرده
دوکتور فرخ توکلی، علیاصغر جمراسی، بهبود مرادی «ائلچیبی» و سعید موغانلی، تدبیرین موضوعسو حاقیندا دانیشیب، موللیفین «اورونیمهای ایران» کیتابی بارهده اطرافلی مذاکرهلر آپاردیلار. تدبیرده، مذاکرهلرله برابر عاشیق بهبود نظری افشارین دا چیخیشلاری اولوبدور. همین تدبیردن الیمیزه چاتان بیر نئچه شکیلی تقدیم ائدیریک:
