یاغیشلی گئجه
بیزی قووالادیلار.
یاغیش یاغیردی؛
ماشین‌لاری
قارانلیق گئجه‌ده
خیاوان‌لاری ناققا کیمی اودوردو بوروق‌لاردا؛
گناهکار سئوگیمیزی یاخالاماق ایسته‌ییردیلر،
بیزی ده
جزالاندیرماق.
هاردانسا سس گلدی:
بوراخین اونلاری!
بوراخمادیلار.
سئوگی قوخویوردو دوداقلاریمیز
گیزلتمک اولمازدی؛
عصیان قوخویوردو نفس‌لریمیز
دانا بیلمزدیک؛
کؤینه‌ییمیزین دؤشونه یاییلان قیرمیزی چیچک
سئوگی‌دن می،
گولله‌دن می؟،
کیمسه بیله بیلمزدی.
ناصر داوران
چئویرن: ناصر داوران
ترجمه: ناصر داوران
سسلندیرن: ناصر داوران
- شعر
- اوخوماق زامانی: < 1 دقیقه
- https://ishiq.net/?p=14261
چاپ
یک پاسخ
اوستاد داورانین “کیمسه بیله بیلمزدی” شئعری ایله دریندن یاشایا بیلدیم. منجه اولدوقجا گؤزل شئعر دیر. آنجاق “یاغیشلی گئجه”، بیر میصرا سونراسی “یاغیش یاغیردی” منه تیکرار کیمی گلدیکده، ندنینی باشا دوشمه دیم. داوران موعللیم منی باغیشلارلار.