چئویرن: ائلیار پولاد
ترجمه: ائلیار پولاد
ائلیار پولاد

– دایان! گئتمه!.. اورا سیلدیریم قایادیر… ییخیلسان تیکه‌نی الده ائتمک اولماززز…
قان-تر ایچینده یوخودان آییلدی. اؤزونو یاتاقدا بیلدیکده آیاغا دوردو. گئدیب ال-اوزونو یودوقدا، بیرآز اؤزونه گلدی. قاییدیب، یاتاقدا اوتوردو. بو نه یوخودور من گؤردوم. قایغیلاندی…
تانیمادیغی یئر ایدی. صحرالیق… گؤز اوخشایان طبیعتین قوینوندایدیلار، ایکیلیکده. دؤرد دؤوره‌نی محتشم، سیرا داغلار قوجاقلامیشدی، سانکی طبیعتین بو فسونکار صحراسینی قورویوردو. طبیعت فسونکار فیرچاسینی بورادا ایشه سالاراق، بدیعی صنعت اثری یاراتمیشدی. هر یانی، سیرا داغلارا قدر، یاشیللیق و گول-چیچکله بزه‌میشدی. آتا و اوغول طبیعتین قوینوندا دینجه‌لیردیلر…
هاردانسا، بیر کپنک اونلارین یاخینیندا لاله لچه‌یینه قوندو. اوغلان، اهمال کپنه‌یه طرف یونه‌لدی، کپنک اوچدو… اوغلان اونون آرخاسینجا قاچدی، بو زامان کپنک سیلدیریم قایا اولان دره‌یه یووارلاندی…
اوغلو باشقا شهرده یاشاییردی. اورادا تحصیل آلیردی. گونلر اولاردی اوندان خبرسیز ایدی. ال تلفونونو گؤتوروب، زنگ ووردو:
– سالام، نئجه‌سن منیم بالام.
– سالام آتا، ساغ اول، هر شئی یاخشی‌دیر.
– اؤزوندن موغایات اول، بالام. اؤزونه یاخشی باخ.
– ساغ اول آتا، نگران قالما، هر شئی اعلادیر.
– دی ساغ اول بالاسی، لازیم اولسا، زنگ ائله.
– باش اوسته آتا…
تلفون دانیشیغیندان سونرا راحاتلاشدی و دوشوندو: «اختیار یاشی‌نین بئله بلالاری واردیر…»

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

قایغی

ائلیار پولاد
www.ishiq.net

آذربایجان ادبیات و اینجه‌صنعت سایتی

قایغی

ائلیار پولاد
www.ishiq.net

آذربایجان ادبیات و اینجه‌صنعت سایتی

قایغی

ائلیار پولاد
www.ishiq.net

آذربایجان ادبیات و اینجه‌صنعت سایتی