-گئجه گئجه
کئچن گئجه
اولدوم سنین حئیرانین
ساییلی آلیغا آیریلمیش اوْلاناق قارشیتی
گؤیدن یئره چیرپیلمیشدین
عؤمورونون کند سانتینی سوْووتغامان بلیرلهسین
ایلانقارپیزینین کؤینهیینین دویمهسی آتدی شیشیکدن
-پول آدامین کور دامارلارین آچیر
قوجالیشین
موتور هیزی بنزین پولونا قالدی
-رئیحانیم
رئیحانیم
گؤزلرینده گؤزوم قالدی جئیرانیم
بارماغینین قاراسیندا
وینیستونون گؤی لاتینجهسی ترس دؤندو
ایشیقلی دونیا قارا گلدی
قوْرقودون قوْپوزو توتدو توستولندی
یالاندیسا
ائله یالان قالایدی
گئرچک اولمایایدی
گئری چکیلهیدی یالینجیق
آجییلا آجلیغییلا داغا اورهک چیرپینایدی بامسی بئیرک
-گولو ننهم حسّاسدی (مئتیس سسی، یاری کوْمیک یاری جیددی، اؤز وورقو، دیکسییاسییلا)
ذؤوقون قانلی کؤینهیی
آووجونون دمیرینده گیزلی ساخلی قالاجاقدی
قالالارین دیشی سنی
قوچ باشیندان، قوْورولو یاغدان، باشا داشدان، اورهیه اوخدان اؤته سوروتلهیهجکدی
-بیر گؤروشلوک گلسهیدین
گؤنلومون حؤجرهسینه
بیر آز چاره اولسایدین
بیتمهین چیلهسینه
تاختادان پینوْکیو ایسه
سؤز آرا سسسیزلیکلرده ماهنیلاشان تک سن ایدین
کئفی داماغیندا’لیغینی دارتیشاردیلار گؤرموشلر
ماهنیلارین قانادینا قوْشدون
قانادینا
قانادین آ قانادین …
قوشا چؤندون
-آدینی قازییرام
بوز کیمی دووارلارا
گونش اولوب دوْلمادین
اولمایان صاباحلارا
دامارین قالین آآ
اوْموزون گئنیش
بنؤوشهلرین نزیگی، پاپاتیالارین سوروسو دَیمیشدی، نهیدی!
باخا
باخا
باخا قالدین
دالا
دالا
دالا باخدین
ائده
ائده
ائدنمهدین…
-سن موشفیق’ین یانیندا قالگینان سنه قوربان!
شرح:
-آلیق: تنفّس، سوْلوما
-یالینجیق: بامسی بئیرهیین اؤلوم خبرینی گتیرن دار گؤز
-مئتیس: هیبرید، دو رگه
-دیکسییا: دئییم طرزی
tütdü
dışı
