سنسیز بو شههر باغریما قان سردی نه بیلدین؟
حسرتله یاغیش آرزوما دان سردی نه بیلدین؟
باخدیقجا قاپیم پنجرهنی یولدو آپاردی
یوللار هاییما آهلا دومان سردی نه بیلدین؟
دیلدن باشا باش قلبیمه دن- دن دوزولوردون
لئش- لئش خیالین آغزیما جان سردی نه بیلدین؟
قیلدیم اورهییندن ایکی روکعت گلجکلر
تانریم باخیشین بویدا قوران سردی نه بیلدین؟
گل کئفلی اولاق بیر اوتاق ایچره سنیله من
باااخ .. باخ نه گؤزللیکله زامان سردی نه بیلدین؟
دویغومدا نئچه کؤرپه کوچه منسه دوغولدو
مندن سنه نازلیم خیاوان سردی نه بیلدین؟
آددیملاییرام من اوزومو هر دن اؤزومله
سنسیز بو شههر باغریما قان سردی نه بیلدین؟
ائلشن چایپارالی
چئویرن: ائلشن چایپارالی
ترجمه: ائلشن چایپارالی
سسلندیرن: ائلشن چایپارالی
- شعر
- اوخوماق زامانی: < 1 دقیقه
- https://ishiq.net/?p=37953
چاپ
