سنی هر کسه هایقیرماغیم گلیر؛
اوغور کیمی.
گلن یابانچی دوست اؤلکه باشچیسینا
قارشیلاما تؤرهنینده،
سسی گور یاراشیقلی عسگرین،
باغیرتییلا وئردییی آچیقلاما تک.
کئفلینین کئفدهکی جییاری ایله
اینیستادا فئیک صحیفهنین دالینداکی اورهکسیزلرین، یاپای اورهکدن آلدیقلاری جسارت تک
سنی هر کسه هایقیرماغیم گلیر؛
قالخمیش اورهیین قوسماقدان ساوای، چارهسیزلییی تک
پانبیقچؤپون ساققالینین آغی تک
ایگید اؤلومونه تاپینان، تاپیلماز آغی تک.
یولو اوزاتمادان
کسه های قیرماغیم گلیر سنه؛
سایخین اوزونه دوْووروب
دوزو بیبری اولماق ایستهییرم ایستهمین
اؤزومو سندن باشقاسینا ساخینیرام،-
آنلاگینان
آرامیزدا ایکیمیزدن باشقا نهسه وار؛
آیری-آیریلیقدان یاشاتمایان
چیلدیرتدیران.
