سحر
اولدوزلاری آختاریردیم گؤیلردن؛
گؤزونده گؤردوم!
گئجه‌لر گونشی گزیردیم،
گوندوزلر آیی؛
اوزونده گؤردوم!
یاغیش یاغدی
هاوا ایسلاندی،
دئدیم:
– بلکه اولدوزلار آغلاییر اوزاقلاردا!

سنی
اؤزومدن آرالی
آغلایار گؤردوم؛
بلکم ده
ایشیلداییردی اولدوزلار کیمی
گؤزلرین سنین!

گؤی قورشاغینی آرادیم بولودلاردان
سیلیم- سیلیم؛
ساچلارین یادیما دوشدو
اللریم گزیشن زامان تئل‌لرینده.
ایندی
ایسینیر اوره‌ییم
بئله آن‌لاردان…!.