خاتین
سنی خاتین آدلاندیرمیشام
چوخلاری وار سندن اوجادیر،
اوجا؛
چوخلاری وار سندن دورودور،
دورو؛
چوخلاری وار سندن گؤزل‌دیر،
گؤزل؛
آنجاق خاتین تکجه سنسن!
کوچه‌دن کئچدیگینده
کیمسه‌نین باخیشینی آردینجا چکمیرسن،
کیمسه ایسه بیللور چلنگینی گؤرمور،
کیمسه آیاغین آلتینداکی قیزیل خالی‌یا باخمیر
و سن گؤرونن زامان
بوسبوتون چای‌لار نغمه‌لشیرلر؛
منیم ایچیمده
زنگ‌لر گؤیو تیتره‌دیر
و بیر نغمه دونیانی بورویور،
یالنیز سنینله من
یالنیز سنینله من، سئوگیلیم!
اونو دینله‌ییریک.
ایضاح: شعر «احمد پوری»نین فارس دیلینه ائتدیگی ترجمه‌دن چئوریلیبدیر
