آزغینلیقدان داشینا – داشینا
آرینیر، آیدینلاشیر
اؤزونو تاپیر
ساریلیرسئوگی‌یه.

اؤزوملو یالقیزلیقدان
اؤزوملو بیزلییه بوشالا – بوشالا
باشقالارینی تاپیر اؤزونده؛
دورولور، دولور دوشونجه‌‌یه!

آیسیز گئجه‌‌لری، رؤیالاری‌لا گئجه‌‌له‌‌ییر
گونشسیز گوندوزلری، اومیدلری‌له گون ائله‌‌ییر
گؤز یاشلاریندا اینسان آجی‌لاری گیله‌‌لنیر
گولوشلرینده اینسان سئوینجی گوللنیر.

آچیر پنجره‌‌سینی دونیانین اوزونه
آرزولارینا ساریلیر اینسان‌لیق آرزولاری
ایستک‌لرینه جالانیر شفق‌لرین آخاری
امه‌یینده ارییر، گولون عطری بویاسیندا اریین کیمی!
اونودور اؤزلویونو بؤیوک اینسانلیقدا
دان اولدوزو، اؤزونو سحرلرده اونودان کیمی!
گونشله بوی – بویا قالیر.
1392