کوچه‌میز هردن آیاقسیز دولانیر، دور گل آخی!
قلمین گؤیلو واراقسیز دولانیر، دور گل آخی!
باغچامیز مین آهی قوینوندا سپیر دویغوسونا
گوللرین تاغچاسی باغسیز دولانیر، دور گل آخی!
ساچلارین بئینی قارانلیقلاری چئینیر کئفسیز
و گیله‌م الده داراقسیز دولانیر، دور گل آخی!
گئجه‌نین باغرینی باغریمدا دوتوب سیلکه‌لدیم
اولدوزوم منسه چیراغسیز دولانیر، دور گل آخی!
بوغازیم تیر- تیر اسیر کلمه‌لرین قارنیندا
سوکوتون باغری پیچاقسیز دولانیر، دور گل آخی!
اؤلوم آغزیمدا، دیلیم قان ایچیر، آغریم دا گولور
داماغیم گؤر نه آراقسیز دولانیر، دور گل آخی!
هله حسرت اوتاق اولموش باخیرام پنجره‌دن
کوچه‌میز هردن آیاقسیز دولانیر، دور گل آخی!
ائلشن چایپارالی
چئویرن: ائلشن چایپارالی
ترجمه: ائلشن چایپارالی
سسلندیرن: ائلشن چایپارالی
- شعر
- اوخوماق زامانی: < 1 دقیقه
- https://ishiq.net/?p=35771
چاپ
