بوغولورام دونیا آدلی بو کوره‌ده!
داشقالاق اولورام
آسیلیرام، کسیلیرم.
ناموس آدلی بیر اویونجاغام
قارداشیم اؤگئی
آتام اؤگئی…
باش آلیب گئتمک ایسته‌ین-
اؤیرتمن صینیفدان قووولان-
او اوشاغا بنزه‌بیرم
هله ده درسلریمی آنلامادان ازبر ائتمه‌یی
خاطیریمده گزدیریرم
من کی،
باجارا بیلمیرم،
من کی،
بو سیناقدان کئچه بیلمیرم
نه دن ایزله‌ییم اؤنومده‌کی کؤلگه‌نی؟
سیخیلیرام بو یولجولوق قاتاریندا
منی مقصدیمه چاتدیرماغینا
قاپ-قارانلیق شوبهه‌لریم وار.
هئییییی…
بیر آتیم اولسون
هورکک بیر آت
قاچاق یاماجدا اؤزگورجه
من ده کالاغاییمی اوچوشدورام
تم- تراوتلی دوزلرده
و
گونش
باتارکن تورونجو شعاعسینی سره چییینلریمه…
گئجه چاتمامیش
چاپاق اوفوغا ساری!…
