اللرینده اولسایدی
اولدوزلاری سؤندورورلردی
آیی یاخارلاردی
اؤلوم کردیسینده
باشینی اکرلردی گونشین
ال‌لری چاتسایدی کیرلی ال‌لری
آزاق دئیه
اودوزاق دئیه
ایتیره‌ک دئیه اومودسوزجاسینا
اورمودا یاپدیقلارین یاپارلاردی
دلرلردی دنیزلرین آلتینی
قارا چؤللوک یاپارلاردی.
چاتسایدی ال‌لری
کیرلی ال‌لری،
بئشیکلریمیزی بئللر
اؤلوم توخومو سپرلردی ائولره
سیلرلردی آدیمیزی تاریخ کیتابلاریندان
سویوموزو کسرلردی تورپاقلاریمیزدان
ایشته
قارا سونگولری آغ بلک‌لی بئشیکلریمیزده
ایشته
سویوموز تورپاقلاریمیزدان
ایشته
آدیمیز تاریخ کیتابلاریمیزدان سیلینمکده…