سنسیز نئجه گؤزلرده دولان قان سره‌لنمیش
تیک – تیک چالینان دیقه‌لر هر آن سره‌لنمیش
بیلسن کی بوغولدوم بوغازین ساغ سوکوتوندان
سؤزسوز جسدم سؤزلریم حئیران سره‌لنمیش
کؤکسومده واراقلار سؤکولور کلمه‌لریم‌له
گؤلسوز قلمین جوهری دان- دان سره‌لنمیش
اؤلدوم، آهیمی باغریما باسدیز نه‌ییم اولدو؟
بئش قات کفنین اوستونه یورقان سره‌لنمیش
یاز-یاز پاییزی دادماغا من دیل گؤیه‌ریردیم
ایللردی لئشیم اوستونه طوفان سره‌لنمیش
سنسیز ایچیرم هی ایچیمی، هی دادیرام من
باخ – باخ کی بو باختسیزلیغیم هاردان سره‌لنمیش
نادیر نه خیاللاردا یازیبسان قفس اوچدو؟
ایللردی اولار گؤیلره زیندان سره‌لنمیش
ائلشن چایپارالی
چئویرن: ائلشن چایپارالی
ترجمه: ائلشن چایپارالی
سسلندیرن: ائلشن چایپارالی
- شعر
- اوخوماق زامانی: < 1 دقیقه
- https://ishiq.net/?p=33895
چاپ
