بیر ایستیکانجیقدان باخیرام سنه
اللرین، باخیشین گؤرونور اوندا.
منیم ده ال‌لریم، ایاغیم، دیلیم
گینه خیالیندان سورونور اوندا.
ایچیرم سنی بیل، دادیرام سنی،
اودورام سؤزلرین، سوزور باخیشیم.
گؤرورم دیلیمله قوجاخلاشیبسان
آخ… آخ کی نه گؤزه‌ل دؤزور باخیشیم!
داماغیم کئفلی‌دی، دیلیم کئفلی‌دی،
دوداغیم کئفلی‌دی، سؤزوم های چکیر.
آغاج وار، شه‌هر وار، سن ده بورداسان،
ایچیرم شه‌هری، گؤزوم های چکیر.
ایچیرم آیاغین، دیلین، دوداغین
دوداغیمدا هله کؤهنه دادداسان.
ایچیرم، ایچیرم، ایچیرم سنی-
ایستیکان ایستیکان، هله یادداسان.
یک پاسخ
عالیدی و چوخ دا محتوالی و اغیر بیر شعردی یاشاسین ائلشن چایپارالی