یالقیزلیق
ع.ن.چاپار

یارپاق بوداغا باخمادی،
بوداق آغاجا.
یارپاق بوداقدان آیٌریلدی،
بوداق آغاجدان.
آغاج تک قالدی،
یاریلدی اوْدون کیمی! …
ایندی داها آغاج دئیٌیل،
بیر یٌاناجاق‌دیر!
یارپاق،
بوداق،
آغاج-
آیٌریشدیلار.
کؤک تک قالدی،
یٌالقیزجاسینا.
توْرپاق قالاندی اوٍستوٍنده،
داش سالیندی،
آسفالت چکیلدی.
ایندی،
باتـیر …
تاپدالانیر آیٌاقلارین آلتـیندا کؤک!
یارپاق،
بوداق،
آغاج،
ناغیل اوْلوب دیلیمیزده!
اینانیریق سوْندا، داها-
افسانه تک- اوْنا-
بیز ده! …