کورونا غزلی
سحر خیاوی

بو نه «یاز»دیر؟! آمان آللاه ائلیمی غم بورویوب
گولمه‌ییر هئچ کیم هامی عالَمی ماتم بورویوب
فرق قویمور نه کاسیب‌دیر نه ده کی وارلیدی بو
چرچی‌نین میوه‌سی تک هاممینی دَرهم بورویوب
کسیلیب‌دیر کوچه‌میزدن ائلیمین های- هارایی
نه اولوب؟ بلکه دومانلیغدی بورا، چن بورویوب؟!
بوغاناقدیر بوراسی؟ هاممی نییه ماسکالی‌دیر؟!
یئری یئرده،گؤیو گویده هاوانی سَم بورویوب
آت چاپیر غم سینه‌میزده بئله کی چاققا-چوروق
بو جهنم آتی‌دیر،میللتی دؤردَم بورویوب
سالدی دئپرم ائله کی اَیدی بوتون آرزولاری
نه بلادیر گؤره‌سن خلقی ناکؤندم بورویوب
گؤرسه‌دیر قانلی دیشین هئی آپاریر شنگولومی
گؤره‌سن فتح ائله‌دی عالمی یام-یام بورویوب؟
باخیرام آمما حیطده وئجینه آلماییب آن
گولله‌ییب‌ باغچا-باغیم هر یانی یؤندم بورویوب
غم یئمه بیر ایکی گونلوک خزله قول بویونوق
یارامیز گولله‌نه‌جک گور نئجه مرهم بورویوب
یام-یام:آدام یئین قبیله

2 پاسخ

  1. بونو تورکجه غزل آدلاندیرماق اولماز. تورکجه دوغما غزلین وزنی هیجایی اولمالی، دیلی نین نحو قورولوشو بو غزله تای عربجه اولمامالی، دیر. بو غزلین مصرعلرینین قورولوشو اوزه للیکله کی لرین ایشله نمه سی تام عربجه فارسجادیر.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4