بیر من قالمیشام
ع.ن. چاپار

دونن گئجه آغلامیشام بیر او کی وار…
اوره‌ییمی بوشالتمیشام آغ کاغیذا،
کاغیذ قارالیب!.

دونن گئجه اوتورموشام
دانیشمیشیق هر بیر یئردن
بیر من
بیرده بوتون آرزولارین کؤلگه‌لری،
روحوم ایشاریب.
تک دئییلم،
هر بوجاغدان
بیر من باخیر منه ایندی:
– بیری کؤلگم،
بیری آرزوم،
بیری بوتون خیاللارین خیاللاری،
بیری یالنیز
آرزولارین آرزولاری.

اوتاغیمین فضاسینی
خاطیره‌لر، نفسی‌له دولوب ایندی.
تکلیییمده
بو تکسیزلیک
سیرلی رویام اولوب ایندی .

بیر من قالمیشام ،
بیرده
هر بوجاغدان باش قالدیریب منه باخان
بیر من….!

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4