چئویرن: عبدالله یالچین
ترجمه: عبدالله یالچین
عبدالله یالچین

ایکی شعر
عبدالله یالچین

(۱) داغ‌لار چاغیریر منی
داغ‌لار چاغیریر منی، گئدیم‌می‌ گئتمه‌ییم‌می‌؟
زیروه چیغیریر منی، گئدیم‌می‌ گئتمه‌ییم‌می‌؟
یول‌لار چیلیک چیلیک‌دی، یول لار یئتیم، یول‌لار آج
یول‌لار باغیریر منی، گئدیم‌می‌ گئتمه‌ییم‌می‌؟
قایا باتیب طیلسیمه، یاماج چنه بولاشمیش
کال دومان بوغور منی، گئدیم‌می‌ گئتمه‌ییم‌می‌ ؟
لاله دیدیر اوزونو، یاسمن سکسکه‌لی
بنؤوشه یاخیر منی، گئدیم‌می‌ گئتمه‌ییم‌می‌؟
جویور تنگی‌نفس‌ده، بایقوش آت اویناتمادا
بو درد- غم ییخیر منی، گئدیم‌می‌ گئتمه‌ییم‌می‌ ؟
کول دیبینده چیچک تک اوشویور یالنیزلیغیم
تنهالیق سیخیر منی، گئدیم‌می‌ گئتمه‌ییم‌می‌؟
آسیر قایادان اؤزون شلاله اؤز اؤزونو
داغ‌لار چاغیریر منی، گئدیم‌می‌ گئتمه‌ییم‌می‌؟

(۲) بو داغ‌لار
گؤرن بو داغ‌لار دا هردن من کیمی
سسیمی تامسینیب داریخیر‌می‌ هئچ؟!
آیریلیقدان سونرا گؤروشن کیمی
یاماج دا هؤوله‌سک کیریخیرمی هئچ؟!

گؤزو یول چکیرمی قایادا هردن؟!
حسرت توستوله‌نیب گئن دره‌لردن،
لاله اوزون دیدیب، یاسمن بیردن
کؤنول بولاندیریب درد سیخیرمی هئچ؟!

گؤرن غریبسه‌ییر هئچ توزلو یول‌لار؟!
شن نغمه‌لی یول‌لار، ساز- سؤزلو یول‌لار؟!
لاله‌لی نرگیزلی یاماج‌لار، یال‌لار
بیر گؤز یاشادیرمی، دونوخورمی هئچ ؟

گؤرن ‌میشیل- ‌میشیل اویویان بولاق
هردن دیسکینیرمی سسیمی دویجاق؟!
او قارلی زیروه‌لر بیر آنا سایاق
آرخامجا بویلانیب بیر باخیرمی هئچ؟

گؤرن بو داغ‌لار دا هردن من کیمی
آغلاییب سیتقاییر کؤوره‌لن کیمی؟!
آیریلیقدان سونرا گؤروشن کیمی
یاماج دا هؤوله‌سک کیریخیرمی هئچ؟!

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایکی شعر / عبدالله یالچین

عبدالله یالچین
www.ishiq.net

آذربایجان ادبیات و اینجه‌صنعت سایتی

ایکی شعر / عبدالله یالچین

عبدالله یالچین
www.ishiq.net

آذربایجان ادبیات و اینجه‌صنعت سایتی

ایکی شعر / عبدالله یالچین

عبدالله یالچین
www.ishiq.net

آذربایجان ادبیات و اینجه‌صنعت سایتی