سحر چاغی
شفق
آچیرام گؤزلریمی
یاشام سسی ایله
سئوگی‌سی ایله
یوخوسو ایله
وورور اوره‌ییمین سسی
گؤزلریمین، کیپریکلریمین
کیتابینا
زامانینا
اسیر واراغی
ثانیه سی
باخیرام دووارین آچی‌سینا
زیغا
تیکانا
نه بیلیم بلکه ده ایللر بویو بو دوواری، زیغی، تیکانی
سئومیشم
سئودیریبلر
خبریم یوخدور
دونموش قانیم ایله
دبریلمه‌میش گؤودم ایله
باخیرام ماسانین اوزه‌رینده اولان
قلمه
واراغا
چایا؛
گئدیرم
ایله‌شیرم
آلیب الیمه قلمی
واراغی
زامانی
یازیرام
آخیدیرام
آسپرینی
دؤنموش
قارالمیش
قانیما
داماریما
سوزورم چای
ایچیرم قاینار-قاینار
نه‌بیلیم
بلکه ده بو چای یوخ
بو یاشام
بو حیات
دیلیمی آغزیمدا
یاندیردی…
