Home / ساتیرا / اَکیز تایی”نین تورشمزه‌لری – 2

اَکیز تایی”نین تورشمزه‌لری – 2

اَکیز تایی”نین تورشمزه‌لری – 2
www.AsanDownload.com

آنالارین سندیکاسی/ اکیز تایی

والاهی بو قیسقانجلیق منی اؤلدوره‌جک. خورتدان بانو بیر ماییزدان یازسین، من یازماییم؟! اولاسی ایش دئییل. اؤزومو اودا- کؤزه وورسام دا یازمالییام.

بیری دئمیشدی« بیز تقویم لرین آدامیییق» من اینانمیردیم. ایندی اؤزوم شش دانگ گیرمیشم تقویمین ایچینه.  یازماق اوچون دیشه باتان بیر سوژه آختاریرام.

بو ایل دونیا تقویمینین ایشچی‌لر گونوایله، وطنی تقومین آنالار گونو اوست- اوسته دوشوب.‌هانسیندان یازیم، بیلمیرم.

دئییرم ائله گل، ایکیسینی ده قات بیر بیرینه، دونیانین گؤزه گلمه‌ین ایشچی‌لریندن یاز. ادعا سیز، مزد سوز ایشچی‌لردن. نه صینف‌لری وار، نه ده سندیکالاری.

گؤزومو یومورام. نیسگیل‌لی  آرزولاریم باش قالدیریر. آنالار سندیکاسی  خیالیمدا جانلانیر. عظمت‌لی آغ مرمردن تیکیلمیش بیر بینادان ایچری گیریرم. آغ بایراق بینانین باشیندا یئلله‌نیر. شستلی، یاراشیقلی قادینلارین وار- گل ائتمه‌سینه باخیرام. اوتاقلارین باشیندا یازیلمیش عنوانلارا گؤز گزدیریرم. کامپیوتر سایتی، کنفرانس سالونو، شورا اوتاغی، سندیکا رئیسینین اوتاغی…  قاپیلاری بیر به بیر آچیرام. اؤزومو اوتاقلاردا آختاریرام. اؤزومو رئیس اوتاغینین اؤنونده گؤروروم . چاش- باش قالمیشام. بیلیمرم قاپینین اؤنونده دوران من، رئیس دی یا مرئوس!

گؤزومو آچیرام. چاش باش خیالیما« چوخ سئوینمه» دئییرم. « آژ تویوخ یاتیب یوخودا داری گؤرَر!»

اؤز- اؤزومه دئییرم آخی ایشین قورتولوب؟!  بیزیم باشچیلیق دا نئچه صینف، نئچه سندیکا تانییرسان کی هله بیریسی ده آنالار سندیکاسی اولسون!

یئددی‌هاوالی اولموشام. هر دقیقه بیر‌هاوا باشیمدا دولانیر. دئییرم مدرن لشمیشیک. آنالار دا، آتالار کیمی  تقدس لرین الدن وئریبلر. اونلاری بوش وئریم. ائله  «بیر ماییز» دان یازیم. یازدغیمدا قلمیم جرجه‌نک قالیر. «ایندی ایشچیلیق مدرن له شیب. قره فعهله لردن یازمالیام یوخسا فوق لیسانس مدرک لرین قولتوق جیبلرینده گیزلی توتوب، خیاوانلاری  اؤلچن متخصص ایشچی لردن یازیم؟»

بیر آن اؤزومه گلیرم:« هوشون- باشین‌هاردادی؟  عاغلین قورتولوب؟ بو قره او قره لره بنزه مز‌هاااااا»  دئییرم.  دونیا تقویمینین بیر ماییزین، وطنی تقویمین  11 اردیبهشتین  بیرلیکده بوش وئریرم. «  بلکه ده وطنی تقویمین  12ینجی گونون، معلیم گونونون قولاغین توتوب یازیلاریما گتیریم» دئییرم….

خیالیم دیش دورمور. معلیم لرین سندیکالارینین بیناسین آختاریر. خیالیمین قولاغیندان توتوب دئییرم: «‌هارا گئدیسن؟ سنی باشینا بوراخدیم  آیاغین یئر آلدی؟! بیلمیسن اوزانان آیاغی سیندیرارلار؟!» ….

92.2.9

About ایشیق

One comment

  1. وار اول . دونن دهخدانين چرند وپرندين اوخويوردوم بوگونده سنين تورش مزه ني .
    هر ايكي معنالي طنزلري اويغون گوردوم . اللر وار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *