سئوگی / ائلدار موغانلی

سئوگی
ائلدار موغانلی

گؤزلری نین نوروندا چیمدیم
دوداغیندان آخان نغمه‌لرله بزندیم.
بوروندوم گونشین ضیاسینا،
ساریلدیم نغمه‌لر دونیاسینا.
آسیلدی باخیشیندان باخیشلاریم.
رنگ آلدی گؤزلریندن سؤز ناخیشلاریم.
داغی سئودیم،
داشی سئودیم،
سئودیم اودو، اوجاغی
سئودیم آنا تورپاغی…

گؤزلری نین نوروندا چیمدیم،
دوداغیندان آخان نغمه‌لرله بزندیم،
قانادلاندیم بو گونومدن صاباحا؛
اوشدوم ….. اوشدوم…….
ماویلییه قوووشدوم.
گؤزه‌ل ایدی بوتون عالم،
سانیردیم کی خوشبختلرین خوشبختی‌یم.
سنی آندیم‌هاوالاندیم؛
سئودیم وطنی، سئودیم دونیانی.
سئودیم سنی، سئودیم انسانی.

۱۳۷۱- تهران

Check Also

بیر اوووج شیفره‌دن عیبارتم/ افراسیاب نورالهی

بیر اوووج شیفره‌دن عیبارتم افراسیاب نورالهی بو منیم بانکا کارتیمین شیفره‌سی…… بو یاناجاق کارتیمین …… ...

۴ comments

  1. سلام به همه دست اندر کاران ایشیق میخواستم خواهش کنم تاریخ سروده شدن اشعار را هم ذکر کنید متشکر

  2. yaşa dadaş səni buralarda gördüyümə çooooox sevindim.

  3. سالاملار و سایقیلار. ائلدار قارداش/
    دولغون شعیر اوخودوم. اللره ساغلیق.

  4. سالاملار حؤرمتلی ائلدار بئی سیزدن دویغولو و گؤزه ل بیر شئعیر اوخودوم و ممنون قالدیم سیزه حیات ویارادیجیلیق یولاریندا آردیجیل اوغورلار آرزلاییرام. ساغ قالین

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *