سئوگی
ائلدار موغانلی
گؤزلری نین نوروندا یویوندوم
دوداغیندان آخان نغمه‌لرله بزندیم.
بوروندوم گونشین ضیاسینا،
ساریلدیم نغمه‌لر دونیاسینا.
آسیلدی باخیشیندان باخیشلاریم.
رنگ آلدی گؤزلریندن سؤز ناخیشلاریم.
داغی سئودیم،
داشی سئودیم،
سئودیم اودو، اوجاغی
سئودیم آنا تورپاغی…
گؤزلری نین نوروندا چیمدیم،
دوداغیندان آخان نغمه‌لرله بزندیم،
قانادلاندیم بو گونومدن صاباحا؛
اوشدوم ….. اوشدوم…….
ماویلییه قوووشدوم.
گؤزه‌ل ایدی بوتون عالم،
سانیردیم کی خوشبختلرین خوشبختی‌یم.
سنی آندیم هاوالاندیم؛
سئودیم وطنی، سئودیم دونیانی.
سئودیم سنی، سئودیم انسانی.
۱۳۷۲- تهران
4 پاسخ
سالاملار حؤرمتلی ائلدار بئی سیزدن دویغولو و گؤزه ل بیر شئعیر اوخودوم و ممنون قالدیم سیزه حیات ویارادیجیلیق یولاریندا آردیجیل اوغورلار آرزلاییرام. ساغ قالین
سالاملار و سایقیلار. ائلدار قارداش/
دولغون شعیر اوخودوم. اللره ساغلیق.
yaşa dadaş səni buralarda gördüyümə çooooox sevindim.
سلام به همه دست اندر کاران ایشیق میخواستم خواهش کنم تاریخ سروده شدن اشعار را هم ذکر کنید متشکر