آتالار سؤزو(قاراداغ روایت‌لری)/ قنبر سیفی

qanbar seyfi
آتالار سؤزو(قاراداغ روایت‌لری)
قنبر سیفی

  • ایپ نه قده‌ر اوزون اولسا، گلیب دوغاناقدان گئچر
  • ده‌وه نه قده‌ر آریخ اولسا، گؤنی بیر یوک‌دی
  • آراز آخیر گؤزون باخیر
  • ناخیردان آیریلان دانانی قورد یئیر
  • ائل اوچون آغلایان گؤز کور اولار
  • فراستدی جوجه یومورتادا جیویلدار
  • فراستدی اوغول نئینیر آتامالین/بئفر اوغول نئینیر آتامالین
  • یاپاخ یونگول اولماسا، یئل آپارا بیلمز
  • آغاج بار گتیرنده باشین آشاغی تیکر
  • قیز آغاجی قوز آغاجی، هر یئتیرن بیر سئلبه آتار
  • کئچی‌نین بوینوزو قاشیناندا، چوپانین آغاجینا سورتر
  • یامان گونده یامان قارداش
  • یامان گونون عؤمری آز اولار
  • اوره‌کدن اوره‌گه یول واردی
  • گؤرسه‌نن کنده نه بلدچی
  • گؤزل‌آقا چوخ گؤزل‌ایدی، ویردی چیچک‌ده چیخاردی
  • کور نه ایستر ایکی گوز، بیری ایری بیری دوز
  • گئچی‌نین قوتورو بولاغین گؤزوندن سو ایچر
  • ائشه‌گه گوجون چاتمیر، پالانی نییه دؤیورسن
  • آغریماز باشا دسمال باغلامازلار
  • اؤزونه اوماج اووا بیلمز، آمما اؤزگییه اریشده کسر
  • قازان دیبی یئین قیزین تویوندا قار یاغار
  • دره خلوت، تولکو بئی
  • قارا قارغایا دئدیلر گئت بیر گؤزل گتیر، گئتدی اؤز بالاسین گتیردی
  • هرکسین اؤز بالاسی اؤزونه شیریندی
  • توستو کؤتوکدن چیخار
  • گؤیول سئون گؤیچک اولار، نه آغی نه قاراسی
  • سو آلچاقدان آخار
  • کاسیپ همیشه مرد اولار
  • یئتیمی‌ده‌وه اوسته بؤیو ویرار
  • یانماسا یانماز، یا اتکله یا پیله
  • قیزیم سنه دئییرم، گلینیم سن ائشیت
  • اوره‌گدن چیخان سؤز، اوره‌گه اوتورار
  • هر یئرین بیر آدامی‌وار، هر آدامین بیر یئری وار
  • سن آقا من آقا، اینک‌لری کیم ساغا
  • بیر الینن ایکی قارپیز گؤتورمک اولماز
  • سو سهنگی سودا سینار
  • گئده‌ر بوستان خیراسی، قالار اوزین قاراسی
  • باغدا اریک واریدی سلام علیک واریدی، باغدان اریک قوتاردی سلام علیک قوتاردی
  • آشاغادان باخانا آغاشداکی‌هاساند گلر
  • هئچ کس اؤز آیرانینا تورش دئمز
  • آغ آیرانی یئره تؤکرلر، قارا کیشمیشی جیبه تؤکرلر
  • اتی بوددان کسرلر
  • قورخولو گؤزه چوپ دوشر
  • ایلان ووران آلا چاتیدان قورخار
  • دادانان قودورانی یئیر
  • قارین دویوران آشی گؤز تانییار
  • آراندا اتنه‌دن اولدوخ باغداددا خورمادان
  • هاوایی سؤزو یئل آپارار
  • خطا خوریت‌دن بیت جیندادان چیخار
  • سیررینی دوستونا دئمه، دوستوندا دوستو وار
  • یانسین چیراغی، گلسین ایشیغی
  • کور کورو تاپار، سو چوخورو
  • کچل درمان بیلسه اؤز باشینا قویار
  • بیرگون ده بیزیم آتیمزین آلنینا گون دوغار
  • هر یاغان قار اولماز
  • قالان ایشه قار یاغار
  • الله آدامین عاغلین آلار، سورا مالین
  • مجلیسده شوربا قیزدیرما
  • اؤزگه آتینا مینن تئز دوشر
  • آت کیمین‌دی مینه‌نین/ دون کیمین‌دی گئیه‌نین
  • بیر گونون‌ده بئلیگی بئیلیک‌دی
  • قونشویا اومید اولان شامسیز یاتار
  • اویناشا اومید اولان ارسیز قالار
  • ایگیدین ایگیددن نه‌یی آرتیقدیریا، بیرجه سایاقلیغی
  • گئچن گونه گون چاتماز جالاسان گونو گونه
  • توخون آجدان خبری اولماز
  • آتلی‌نین پیادادان خبری اولماز
  • پیس اولماسا یاخشی‌نین قدری بیلینمز
  • گون بولود دالیسیندا قالماز
  • اؤزون اؤز اؤروشینه قورد گتیرمه
  • آیین اون‌دؤردیندن دانیشما
  • کؤهنه پالان ایچی تؤکمه
  • گؤیلو بالیق اتی ایسته‌ین گؤتون گره‌ک بوزلو سویا قویا
  • دوز همیشه دوزده قالار
  • دوزه زوال یوخدو چکه‌لر مین دیوانا
  • قیسقی برک گلنده فند باجادان چیخار
  • پیس گؤزه پیچاق باتسین
  • سئرچه‌نی بزه‌ییپ قناری یئرینه ساتیرلار
  • قره‌دن اویانا رنگ یوخدور
  • هر دانا باشینا بیر چاتی اولماز
  • ائششه‌گی یورولانا چوخ سؤز دئیرلر
  • شاهین‌دا قاراچی‌یا ایشی دوشر
  • تزه گلدی بازاردان کؤهنه دوشدو نظردن
  • کیشی‌نین سوفره‌سی همیشه آچیق اولار
  • چوخ بیلن چوخ چکر
  • الله دردی چکنه وئرر
  • سن چؤره‌گی آت دریایا، بالیق دا بیلمه‌سه، خالیق بیلر
  • گمی‌ده اوتوروب گمیچی‌نن دالاشما
  • یاخچیلیق هئچ وقت ایتمز
  • پیس یاددان چیخماز
  • الله همیشه آداملاری امتحانا چکر
  • الله‌ین آلتیندان قاشماق اولماز
  • دالدادا کله‌یه گلن آشکاردا دوغار
  • قولاق گونده بیر سؤز ائشیتمه‌سه کار اولار
  • یاریمادیق ایستیسیندن، کور اولدوق توستوسوندن

Check Also

سارانین حئکایه‌سی/ رقیه علی قُلیان(لاله)

سارانین حئکایه‌سی رقیه علی قُلیان(لاله) قیرخینجی ایللرین بیرینده قیش فصلینده ائله بیر سویوق دوشدوکی کتدیلر ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *