«کریم گول‌اندام»ین حئکایه‌لر مجموعه‌سی‌ده ایشیق اوزو گؤردو
تانینمیش آذربایحان شاعری «کریم گول‌اندام»ین «یاری شیرین، یاری تورش» عنوانلی حئکایه‌لر مجموعه‌سی‌ده ایشیق اوزو گؤردو. بوندان اؤنحه «زنده باد آزادی»(۱۳۵۸) و «سؤزوم وار سنه دونیا»(۱۳۷۵) آدلاریندا فارسجا و آذربایجان تورکجه‌سینده یاییلان شعر مجموعه‌لری ایله داها آرتیق آذربایجان شاعری کیمی تانینان صنعتکارین یئنی نشره بوراخیلمیش کیتابینا ییرمی‌بیر حئکایه داخیلدیر.
گؤرکملی صنعتکاریمیزین شعرلری کیمی حئکایه‌لرینین‌ده مضمونو جمعیتله باغلی اجتماعی موضوعلاردیر. «عؤمور بویو حقیقتی سئونلرین اوره‌ک آرزیلارینا رغمن، حقین ناحق قارشیسیندا تاپدالانماسی، ظالیملرین مظلوملارا قان اوددورماسی و سئوگیلیلر آراسیندا آیریلیق، حئکایه‌لرین اساس مضمونونو تشکیل ائتسه‌ده، یئنه‌ده اومود و عشقین غلبه‌سی ایله سونا چاتیر و هر بیر اوخوجودا حیاتا نیک‌بین باخماق مئلینی گوجلندیریر.»
«یاری شیرین، یاری تورش» عنوانلی حئکایه‌لر مجموعه‌سینی آنا دیلیمیزده کیتابلاری ساتان ماغازالاردان، خصوصیله اورمو شهرینین کیتاب ماغازالاریندان الده ائتمک اولار.
یک پاسخ
اوستادیمیز کریم معللیمین حیکایه لری هامیمیزا حیات اویوتلری اولان کیمی منی ده داشیندیریپ دوشوندوردو .اونو موبارک بیر اثر گوردوم . اولدوز کیمی شعیر و ادبیات گویوموزده همشه پارلایان گول اندام یئی ین طالعی نه اوغورلار دیله ییره م . ع. شاهوئردی ، اورمودان .