بوگون دوشنبه 30 فروردین 1400 ساعات 22:30
ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

۲۰۰px-Ahmad_shamlu
گئنل سئوگی
احمد شاملو (ا.بامداد) چئویرن: احد فرهمندی
farahmandi

گؤزیاشی بیر سیرّدیر
گولوش بیر سیرّدیر
سئوگی بیر سیرّدیر

سئوگیمین گولوشو ایدی، او گئجه‌نین گؤزیاشی
ناغیل دئییلم سؤیله‌یه‌سن
ماهنی دئییلم اوخویاسان
سس دئییلم ائشیده‌سن
گؤرمه‌لی بیر زاد دئییلم گؤره‌سن
بیلمه‌لی بیر زاد دئییلم بیله‌سن

من اورتاق دردم
باغیر منی

آغاج اورمانلا دانیشیر
اوت چؤله ایله
اولدوز کهکشانلا
من ایسه سنله دانیشیرام

سؤیله منه آدینی
وئر منه الینی
دئ منه سؤزونو
باغیشلا منه اوره‌گینی
آنمیشام سنین کؤکونو
تانیشدی اللرین اللریمله
سنین دیلیندن دانیشمیشام هامییا

سنله آغلامیشام آیدین خلوتیمده
قارانلیق قبریستاندا اوخوموشام سنه
ان گؤزل ماهنیلار
آخی بو ایلین اؤلنلری
ان وورغون دیریلریدیلر

وئر منه الینی
تانیشدی منله سنین اللرین
بولود کیمی قاسیرغا ایله
اوت کیمی چؤل ایله
یاغیش کیمی دنیز ایله
قوش کیمی یاز ایله
آغاجین اورمانلا دانیشدیغی کیمی
سنله دانیشیرام، آی گئج تاپدیغیم

دئمک آنمیشام سنین کؤکونو
دئمک سسیم تانیشدی سسینله
تبریز- ۲۷/۱۲/۱۳۹۴

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *