صوٍلح ماهنیسی
علی میثمی
قوی آغ گؤیرچین‌لر اوچسون گؤیلرده
قوی صوٍلحه سس وئرسین ائل‌لر هر یـئرده
قوی حاققین اوٍزوٍندن آچیلسین پرده
چالینسین ائل‌لرین شن ترانه‌سی
پارلاسین هر یـئرده صوٍلحون اوٍلکری
آچیلسین ائل‌لرین آیدین سحری
قالماسین ظوٍلمتین, جهلین اثری
اوجالسین گؤیلره صوٍلحون نغمه‌سی
هیتلئر مکتبیندن درس آلان‌لارین
ووروشما اودونو یاندیران‌لارین
اوغورسوز بایقوش تک بانلایان‌لارین
بوٍتوٍن اؤلکه‌لردن کسیلسین سسی
صوٍلحه سس وئریلسین بوٍتوٍن جاهاندا
بئشیک‌لر بومبادان قالسین آماندا
قیزیل گوٍل‌لر آچسین آذربایجاندا
بزه‌نسین امک‌دن حیات صحنه‌سی.
چالینسین ائل‌لرین ظفر نغمه‌سی.
1330- تبریز زیندانی
یک پاسخ
با سلام
ضمن آرزوی موفقیت برای دست اندر کاران سایت ایشیق.خواهشی از دوستان دارم.ضمن مطالعه سایت به شعری از آقای علی میثمی برخوردم با عنوان صولح ماهنیسی. از آنجا که ایشان از دوستان پدر اینجانب بوده و چند سالی است ارتباط بینشان گسسته شده،لذا خواهشمندم اگر اطلاعی از ایشان دارید،به آدرس ایمیل بالا مرقوم بفرمایید.
از لطف شما سپاسگذارم.
سیامک جدیری اسلامی