داغلارین قاری / مقصود تقی زاده هریس”نیسگیل”
داغلارین قارینی سئودیم
یاغدی آنامین ساچینا!
وورولدوم سیخ دومانینا- چنینه
چؤکدو آتامین گؤزلرینه!
سئودیم یالچین قایاسینی
سیلدیریملی دره‌سینی
گؤیردی یوللاریمدا،
بولاقلاری قاینادی گؤزلریمده…!
یالنیز
بیر قارتال اؤلومو
اسگیک‌دی طالئعیمدن…
2 پاسخ
گونلرین گونلریمه،
دویون لرین،
دویونلریمه جالانسین.
دردلرین دردلریمه.
آنجاق
منیم کی منده قالسین.
سنه قیمیرام.
آخی
آز عؤمرومده
چوخ نیسگیل پاییمدان ،
بیر تک خوشا گلیم (نیسگیلیم) وارسا
سن- سن،
تکی سن.
یای ۱۳۷۸
یاشاسین نیسگیل بئی!!!