ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

afrasyab اوردا بير گؤل واردي
افراسياب نورالهي

اوردا بير گؤل واردي
سون گؤردويومده چوخ بختياردي
قيزلار،
يوخولاريني دانيشارميش سولارينا
گلين‌لر،
سيرلريني آچارميش
گلن‌لرين،
قاباغينا قاچارميش دئييرلر
گئدن‌لرين،
آردينجا آتيلارميش
قالان‌لارين،
قاداسيني آلارميش
ماهنيلاشارميش
اينسانلاشارميش
…”قالارسان قادان آللام
گئدرسن يولا ساللام”…
ساحيل بويو،
تامسينا- تامسينا قالارميش گئجه‌لر
گويا،
قوش ايزلري،
اينسان ايزلري يالارميش گئجه‌لر
اسكيله‌سي،
گميسي،
آداسي وارميش
سن دئمه،
اونو‌ن‌دا،
آليناسي قاداسي وارميش
بير سفرده من وارديم
من كئچديم اورالاردان
بير سحرده،
مندن كئچدي اورالار
نه‌لر كي؛
ياشاماديم!
گؤرمه‌ديم او سحر!
نه ياخشي،
او سحريده ياشامادان اؤلمه‌ديم او سحر!
مثلا،
گؤنشين ايلك دوشدويو آني گؤردوم
هئچ تصوورده ائده بيلمزديم كي؛
تصويرده ائده بيليم گونشي دنيزده
گؤردوم،
حله ييرغالانيردي‌دا
آما،
يئنه‌ده اوزونه باخماق اولموردو
و اؤيله بير تصوير كي؛
سانكي،
گؤيده‌ده،
يئرده‌ده آسماني گؤردوم!
من،
او سحر،
بامباشقا بير عالمي؛
اورمولو، گؤللو، دنيزلي آذربايجاني گؤردوم
من،
او سحر،
هئچ گؤرمه‌دييم هيجاني گؤردوم
اوردا بير گؤل واردي
ايندي “يوخدو” دئييرلر
“قورودو”،
“يئرينده،
يئل وورور يئنگه‌لر اوينايير” دئييرلر
بو قدر راحات
بو قدر فرقينده اولمادان
اينانميرام
“يالاندي” دئييرم
ماسالدي
اوردا بير گؤل واردي
اوردا بير چؤل اولاماز
اصلا اولاماز
5/12/1392

 

2 پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *