بانکین قاباغیندان کئچیردی
یادینا دوشدو
بیر آز چؤره‌یین آزالتمالی‌دیر
بیر آز کیتابین
بیر آز باش آغری درمانین.
کینودان گلیردی
کینودا هالیودون آدی چکیلمیشدی
وال‌استریت ده هالیود کیمی‌دیر
وال استریتین ائشییی
هم سویوقدور
هم ده اکسیژنسیز
آداملار اوشومه‌مک اوچون
میلیونلاشیرلار\
داش آتیرلار ایت‌لره
پئیک‌لر
ائوین سؤزوندن
و بئزیندن دانیشیرلار
مهربان آپاریجی دئییر:
عنقریب
آوروپا ساکینلشه‌جک
یونانین اوتوز فاییزی
مریخین ایش بازارینا گؤندریله‌جک.
اسپانیالی‌لار
بوللوغون شیرین رؤیالاریندا
مستملکه‌لی کئچمیشی واراقلاییرلار.